單身？結婚？

今日陳慧琳結婚，雖然唔關我事，但不約而同咁碰上「單身？結婚？」呢個問題。

美國老闆 - 其實年紀細過我，問我「Married? Single?」，放工上Facebook又見朋友仔喺forum上討論單身嘅問題。我好疑惑。單身又點？結咗婚又點？有乜問題呀？單身好醜、結咗婚又好威咩？

好同意有人講：依家啲人根本唔知結婚係乜嘢一回事？為結婚而隨便搵個唔啱嘅人，之後最多就離婚囉！喂~ 婚姻係一生一世嘅事嚟呀~ 而且結婚誓言話係任何情況下(包括生老病死、喜怒哀樂、富貴貧賤、榮辱與否，等等，等等...)，都唔會「拋棄」另一半嘅咩？

「結、婚」，原來依家啲人真係覺得「結」完就會「分」喇...