睡 - 續

...沉睡九小時，可惜國王並冇入夢...

第一次為一夜無夢感到惋惜...

睡

...今晚，就等我做一次睡公主，喺夢中同我嘅國王相會...

夢中見~

病

再一次感受到頭痛欲裂嘅感覺 - 真係好痛，就好似有人用電鑽鑽入我腦袋深處 - 從左到右，再由前到後繼而停喺腦部正中央 - 嗰種感覺，真係不足為外人道。

有人話「小病是福」，我就話病慘過死。有人理你嘅時候小病的確係福 - 可以詐嬌吖嘛；但如果身邊無人得閒/會理你，你就更相信健康係寶。我依家可以做嘅，就只係令自己快啲好返。一個人冇得向其他人詐嬌嘛... 唯有向天大嗌三聲：

我個頭好痛呀~

庸人自擾

我又俾一啲虛名攪到自己唔開心。

琴日正奇怪某人成個晏晝都唔見人，同老闆「傾計」時唔覺意講：阿某人成5 點幾都仲未見人。老闆就回答：係呀~ 佢話佢要出去開會吖嘛...

我即時好down。就我嘅見聞目睹，某人根本冇當我係HR單位領導人 - Fine！但我老闆都唔「撐」我就好有問題。我以後點做嘢呀？

歸家途中俾啲風吹醒咗啲：究竟所謂嘅「單位領導人」係乜？有乜用？冇~ 又咪係要做~ 諗深一層，如果啲人乜都唔俾我知仲好，我仲有一個更大嘅平台「玩嘢」 - 我乜都唔知喎... 睇佢點死。

不過善良如我就梗係唔會咁諗啦。我只係本住「知少啲、做少啲」，你唔講我知仲好，乜都唔駛做；到有事嗰陣我知亦唔會理架~

我咁諗真係開心夕好多，攪到我非常efficient咁一晚就織完一頂冷帽...