無力感

Management嘅定義係乜嘢？點樣嘅management style先appropriate？

Hands on 同 hands free嘅分別喺邊？

成日講「result oriented」嘅人，究竟佢自己知唔知乜嘢係result oriented？

究竟佢想我點做佢先滿意？

抑鬱症

如果話成日無端端咁喊係患上抑鬱症嘅病徵...

我諗我已經證實患病...

...而且病情亦幾嚴重...

Official畢業相

終於從vendor網頁中搵到自己嘅畢業相。本來應該係開心時刻嘅印記，對我嚟講，其實只係一場唏噓。

老豆唔能夠再一次見到我畢業，會係我畢生嘅遺憾。儘管相中嘅我喺台上嘅笑容萬二分咁燦爛，其實我喺上台前仍記起十年前嘅11月...

1999年11月22日，城大畢業典禮。有一個超齡畢業生上台，喺台下有佢患病嘅老豆、媽咪同三哥，佢哋一齊見證呢個女人仔大學畢業。典禮完畢，由於老豆身體嘅關係未能喺會場久留，一行四人馬上打道回府。女人仔曾經因為唔可以留底影相而埋怨過父親...

十年後同樣嘅場合、不同嘅地點，再無屋企人出現見證佢嘅「成就」。話係成就，不如話係遺憾。如果努力嘅原因已經失去，一切已經再無意思。我好後悔曾經埋怨老豆 - 因為十年後，無人再會為我嘅成功失敗有任何感覺。會再意我嘅人一個已經離開，另一個想在意我而力不從心。

老豆，對唔住。我唔應該對你有任何埋怨 - 上天懲罰我有一個寂寞嘅畢業典禮係啱嘅，因為我抵死~