安全感

好人搭巴士都好想有坐窗口位。其實有冇諗過點解？

有人會因為唔想俾隔離嗰個「琴」嚟「琴」去；有人會想睇街景，唔駛暈車浪；有人會想瞓吓...各色其式...

我會覺得有時係安全感嘅投射。坐窗口位而唔駛坐路邊，就好似有一個人「保護」自己，喺架車轉彎時令我唔會跌出車外。

咁搭飛機或搭小巴嗰陣呢？我未諗喎... 此一時彼一時啦...

隨想

(1) 真係好想知眾女星點樣處理眼腫嘅問題。我已經連續幾日眼腫腫咁 - 我星期五畢業禮點影相呀？

(2) 想知我鍾意乜嘢顏色？睇我今日嘅打扮就知 - 黑白色上衫、天藍色褲、啡色短boot，仲有...灰色心情...

待續...

假如我是陳素馨...

... 我可以忘記一切人、事、物，好開心咁做一個只有六歲智商嘅女仔...

... 我父母可以健健康康咁喺我身邊照顧我...

... 我阿哥阿嫂會好錫我，為我遮風擋雨...

... 我會成為林英傑心上嘅一條疤痕，因為我而覺得內疚...

... 但我唔係陳素馨。我只係一個微不足道、可有可無嘅單細包生物。

... 我覺得我比較似陳餘一... 「多餘的一個」...