我在墾丁．天氣晴

墾丁嘅好天氣令我心情開朗。

藍天、白雲、碧海、黃沙... 一切嘅交織成一幅美麗嘅圖畫。水清沙幼嘅海灘，令人想置身其中同魚仔一齊游水。嗰度一切嘅人、事、物，令你忘記煩人嘅事。

漢文同阿公嘅屋企，令我想起嗰種簡樸嘅生活。

社頂公園，亮亮熱心咁為兩個老外介紹墾丁之美。

墾丁大街嘅晚上，阿南喺嗰度隔入當地生活。

恆春警區嘅警車，阿佐維持治安...

埔頂草園，幾個年青人為理想打拚，開民宿，令讓更多人知道墾丁嘅美、好。

... 就係呢一切，令我愛上墾丁。

...Sorry，我冇提曉緯(雨不停)，因為我唔鍾意佢...

感覺墾丁

墾丁係屬於大自然嘅。

社頂公園嘅一草一木，都令我讚嘆不已。因地殼變動而上升嘅珊瑚礁、因自保而有毒嘅樹、為毒樹提供解藥嘅樹...

埔頂草原上軟綿綿嘅草坡...

龍磐公園嘅「地理」課堂...

關山嘅日落景色...

出火嘅現象...

墾丁係休閒嘅。

好欣賞當地人嘅生活方式同態度。有客就做吓生意，冇客就行吓、睇吓電視、看吓海、釣吓魚... 生活原來可以好簡單。點解要每日咁辛苦，喺公司要同其他人勾心鬥角、爭名奪利... 為乜喎...

墾丁係自由嘅。

因為我自己一個人去到當地，冇人識我，我可以唔理其他人點睇我，去我想去嘅地方、做我想做嘅事、食我想食嘅嘢...

墾丁係新奇刺激嘅。

我可以坐証上一個初次見面嘅人嘅電單車，冇帶安全帽嘅墾丁橫衝直撞，任風吹喺我面上...

墾丁可以幫我療傷。

佢用大自然嘅力量、當地人嘅熱情親切，幫我明白唔可以再留喺昨天 - 當然，朋友嘅鼓勵亦好重要，但墾丁俾我一個可以思考嘅平台，令我諗清楚跟住落嚟嘅路應該點走。

不過人算不如天算，現實永遠有方法打亂我嘅計劃、決定。

墾丁之行

我對墾丁嘅第一印象有誤解，有好多個原因：

• 雖然墾丁係一個渡假勝地，但台灣嘅聖誕並唔係假期；

• 墾丁大街喺日頭只係一條普通嘅街；

• 12月並唔係旅遊旺季...

所以，一個普通嘅下晝，街上又點會人山人海？

日落西山，墾丁大街開始活過來。

... 但我想像中嘅墾丁並唔係咁樣...

待續...

墾丁小灣

呢個係離開旅店最近嘅海灘(旅店外嘅大灣好似有工程做緊，所以唔算)，我用20分鐘行過去。街上冇乜行人，我就一個人傻吓傻吓咁行。果然，到咗海灘，我正式開始有去咗渡假區嘅感覺。

沙灘上有一個酒店開嘅bar，旅人可以飲吓嘢，睇吓海/浪/女；海上面有一班後生仔&女大叫大笑 - 原你佢哋玩緊香蕉船。沙灘上有一個小妹妹喺度玩沙，而疑似佢爸爸嘅男人就坐喺佢後面睇佢玩，二人自得其樂。呢一切構成一幅圖畫，名「Relax」。我就係咁，除底我嘅鞋襪，走向海邊玩水。然後好「濕」(國語發音)意咁坐喺沙灘上睇日落。人生有幾可可以停一停，欣賞大自然嘅美妙？

就因為依個係旅「行」，我又開始行。今次行咗5公里(！)去另一個景點。好遠？OK啦~畢竟人生就係「行行重行行」...

墾丁海堤旅店

係一個點樣嘅地方？下晝到達時簡直可以用「死氣沉沉」嚟形容 - 旅遊區？條街冇人嘅？

去到旅店，老闆娘好「pro」咁坐喺「front desk」招呼我，介紹東介紹西... OK，上到房，好impressed。其實間旅店嘅外觀已經迷住我。雖然我未去過希臘，但佢藍白色外牆就已經提醒我 - 你依家放緊假~ 講番間房，一啲都大：長形，入房後就係toilet - 冇門嘅，只有一塊簾；前些少就係浴室 - 都直冇門而只用一塊浴簾嘅，而且同toilet中間完全冇間隔 ，非常open。再前些少就係床 - 一張好「誘人」嘅雙人床，足夠我喺上面打關斗...外面就係小露台。That's it！但係，就好似老麥個slogan - I'm loving it (我就是喜歡)！因為...

小露台向海，可以望海；而且向西，可以睇日落 - 都幾浪漫喎...

OK~ 巡視完間房又點呢？

行街街去也。當我離開旅店開始第一日墾丁之旅嘅行程，令我對呢個地方完全改觀。

待續...

台灣南部之旅 - Day 1

高雄 - 一個熟悉的陌生城市。熟悉係因為經濟常聽見佢個大名 - 做shipping嗰陣不知安排過幾多貨去嗰度。陌生？我未去過嘛~ 但都有啲印象嘅...

要數我對佢嘅印象，只有六合夜市 - 台灣夜市個個一樣，無乜特別；旗津漁港 - 台灣嘅鯉魚門？但人嘛...

熱情嘅民宿老闆娘，帶俾我第一次坐電單車嘅體驗，原來真係好「爽」；佢又帶我去睇一個好特別嘅展覽，俾我同台灣創意文化打招呼；帶我目睹八八風災後，高雄受嘅影響 - 大自然開始反擊喇~最後以一餐好抵食嘅海產做終結。更「過份」(因佢太好人喇...)嘅係，佢仲要喺第二日送我去搭車去墾丁。台灣人嘅熱情真係好厲害~

原來係咁！

老豆：

今日聽同學講，原來「是爹拿」係自殺嘅，所以你有可能喺上面撞佢唔到。

其實有乜事咁大不了要自行了斷？有病咪醫囉，人哋羅君左要切咗對腳都依然堅持落去，點解佢要做逃兵喎？

其實，你有冇嬲我同意醫生俾你走？我知你依然掛住媽咪。你會唔會覺得係我殺死你？我一直好驚，好驚你會唔原諒我，怨我夾硬分開你同媽咪？

原諒我，我真係唔忍心見到你咁辛苦仲要撐落去。十年有多，已經好夠啦~ 我唔想因為自私，為咗自己唔捨得你，而令你繼續受苦。所以就算你嬲我、怨我，我依然會咁做。呢條數我先欠住你，他日我去搵你嗰陣，你想點打我、鬧我、罰我都可以。OK？

肥仔、2009年12月23日、屋企

點解會咁？

老豆：

今日收到中大同學嘅通知，一個同我同過班嘅同學離世嘅消息。我好震驚。

如果咁啱你遇到上面嗰個老頂，可唔可以幫我問吓佢到底點諗嘢：

點解好地地一個後生女，上天要咁快召佢返上去？如果預咗要咁快召佢返上去，點解要俾佢有智慧讀咁多書？我未正式同佢講過一句說話，但都有點頭微笑，覺得佢應該係一個有禮貌、有教養嘅女仔。上天點解要帶佢返去，唔俾機會佢教化世人？

就好似你係我嘅好爸爸，點解上天要先將疾病痛苦帶俾你，再將你從我身邊搶走？

究竟上面個老頂點樣諗嘢、諗緊乜嘢？你可唔可以幫我問吓佢？

肥仔、2009年12月22日、屋企

P.S. 第一次過冬至冇你喺度，我用笑容掩飾我嘅心痛... 老爸，冬至快樂！

P.S.S. 又如果你見到一個初嚟步到、讀過中大翻譯系碩士叫「是爹拿」嘅女仔，俾面我幫吓佢。佢一個女仔一初到陌生嘅地方一定會要人幫。唔該你吖...

我的畢業典禮

又係一個來也匆匆、去也匆匆嘅畢業禮。已經唔係第一次，所以冇乜感觸。唯一有分別嘅係參加我畢業禮嘅「嘉賓」。

十年前，我父母同老三見證我成為家族中第一個嘅大學畢業生，；而今日... 我嘅「親人」喺邊？

老豆曾經話過，當佢哋嗰一代都離開次之後，所有親戚都唔會再係親戚 - 我依家終於知點解。

畢業應該係一件開心事，但愛胡思亂想嘅我，竟然可以想到咁遠。

安全感

好人搭巴士都好想有坐窗口位。其實有冇諗過點解？

有人會因為唔想俾隔離嗰個「琴」嚟「琴」去；有人會想睇街景，唔駛暈車浪；有人會想瞓吓...各色其式...

我會覺得有時係安全感嘅投射。坐窗口位而唔駛坐路邊，就好似有一個人「保護」自己，喺架車轉彎時令我唔會跌出車外。

咁搭飛機或搭小巴嗰陣呢？我未諗喎... 此一時彼一時啦...

隨想

(1) 真係好想知眾女星點樣處理眼腫嘅問題。我已經連續幾日眼腫腫咁 - 我星期五畢業禮點影相呀？

(2) 想知我鍾意乜嘢顏色？睇我今日嘅打扮就知 - 黑白色上衫、天藍色褲、啡色短boot，仲有...灰色心情...

待續...

假如我是陳素馨...

... 我可以忘記一切人、事、物，好開心咁做一個只有六歲智商嘅女仔...

... 我父母可以健健康康咁喺我身邊照顧我...

... 我阿哥阿嫂會好錫我，為我遮風擋雨...

... 我會成為林英傑心上嘅一條疤痕，因為我而覺得內疚...

... 但我唔係陳素馨。我只係一個微不足道、可有可無嘅單細包生物。

... 我覺得我比較似陳餘一... 「多餘的一個」...

衰人

竟然膽敢reject我個friend request。從今日開始，註定你一世無運行 - 我同你誓不兩立~

再見二丁目

唔知呢隻歌會唔會成為我墾丁之旅嘅BGM???

作曲:于逸堯, 填詞:林夕

滿街腳步　突然靜了

滿天柏樹　突然沒有動搖

這一剎　我只需要　一罐熱茶吧

那味道　似是什麼　都不緊要

唱片店內　傳來異國民謠

那種快樂　突然被我需要

不親切　至少不似　想你般奧妙

情和調　隨著懷緬　變得蕭條

原來過得很快樂(原來我非不快樂)

只我一人未發覺

如能忘掉渴望

歲月長　衣裳薄

無論於什麼角落

不假設你或會在旁

我也可暢遊異國　放心吃喝

(我也可暢遊異國　再找寄托)

轉街過巷　就如滑過浪潮

聽天說地　仍然剩我心跳

關於你　冥想不了　可免都免掉

情和慾　留待下個化身燃燒

http://www.youtube.com/watch?v=fNCpHpuw3BA

負

唔知從幾時開始，我個腦充滿負面思想。

一套電影講女主角充滿熱誠咁完成一個task，我應該為佢嘅毅力喝采。但我就只見到我喺現實生活中缺少嘅嘢。

女主角(們)有丈夫嘅支持，完成自己嘅夢想。我呢？... ... ... ... ...

首先，我冇夢想。然後，我唔知我可以同邊個分享我嘅想法。因此，我唔知會唔會有人支持我做我想做嘅事...

我都唔想咁樣，但負面想法好自然咁佔據我一切嘅思想。或者因為咁，我越來越消極...

心仍是冷

心 仍 是 冷
作 曲 / 編 曲 : 倫 永 亮 / 填 詞 : 小 美

看 透 了 冷 眼
心 早 慣 沒 有 說 感 嘆
冷 笑 似 四 散
掩 飾 我 夢 裏 的 燦 爛
情 緣 就 像 冷 雨 斷 續 往 還
令 我 飽 經 聚 散 常 獨 行

愛 過 也 痛 過
因 失 意 獨 愛 靠 緊 我
冷 箭 撲 向 我
即 使 我 獨 個 的 跌 坐
情 人 伴 著 到 老 始 終 不 多
情 愛 每 捉 弄 我
常 在 跌 跌 碰 碰 處 境 來 渡 過

對 你 仍 著 緊 但 痛 心
無 奈 愛 在 最 後 最 終 轉 交 別 人
冷 冷 長 夜 深 夢 更 深
人 漸 慣 在 愛 路 繼 續 浮 沉
( 明 日 我 又 繼 續 愛 路 浮 沉 )

天 空 中 星 塵 如 偷 泣 的 眼
如 悲 哭 青 春 消 逝 未 再 返
今 孤 單 一 人 無 聲 的 感 嘆
無 盡 冷 漠 冷 冰 已 遺 留 路 間

http://www.youtube.com/watch?v=wTd7z9s-VQ4

我長大了

有人話對付所恐懼事物嘅最好方法，就係面對佢。所以...

我已經唔再怕佢。有乜好驚喎？咪又係人一個~

無錯。其實，我只係驚自己。驚面對自己被「傷害」嘅事實。

但... 我有被「傷害」嗎？我好肯定佢鍾意我，因為「鍾意」係做朋友嘅基本條件。佢只係唔愛我。佢唔想傷害我，所以唔會呃我話愛我。我好肯定係咁。

See~當我肯面對問題，將血淋淋嘅事實放喺眼前，敢面對佢，問題，就會迎刃而解，恐懼，亦會隨之而消失。

我唔會再驚你喇~

聽說

一句話 - 好睇。

好睇在平淡。男女主角都好似鄰家男女孩咁，唔會令你驚艷，但有親切感。

好睇在貼近生活。片中冇英俊富有嘅白馬王子或者住喺象牙塔嘅白雪公主；男主角屋企雖有「家族生意(小食店)」，但佢都要好天晒落雨淋咁送外賣，女主角更要做幾份part time維持生計 - 世上又邊有咁多財子佳人吖...

好睇在豐富。有愛情、有親情、有勵志... 世上唔係淨係只有男女間嘅愛情嘅...

聽說：愛情唔需要言語，亦無需要翻譯... 原來我讀咁多年「翻譯」，只係白費心機...

機場

我真係對呢個地方又愛又恨。愛者，出遊時好開心咁離開香港 - 當然，亦有離開香港係因為阿爺同老豆嘅離開而我要去「散心」；恨者，去完旅行返番香港 - 即係話又要做過。

Love Actually嘅開始同結尾都係以機場為場景。接人機或俾人接機，都應該係開心嘅。但好似未試過有人接我機 - 出trip例外。所以我唔知有人接機係乜嘢感覺。只係每次返香港機場，我都好希望有人失驚無神咁「彈」出嚟同我講「welcome home」。

現實始終係現實，喺機場冇，屋企亦都冇。

我係機場嘅遊魂野鬼、屋企嘅無主孤魂...

Love Actually

兩段我最鍾意嘅戀愛 - 「雞(同)鴨(講)(之)戀」。

三級片男女主角之戀。相對於充滿肉慾嘅工作環境，二人嘅感情來得清純。職業可以無分貴賤...

作家與外勞之戀。兩人雖然雞同鴨講，但其實心靈相通。言語不通，不足以阻隔兩顆靠近嘅心...

當然，整套戲都係講「愛」 - Love Actually (is all around)。無愛嘅我，可以望梅止渴。

仲有Dido嘅歌~

到底有誰能夠告訴我

再一次夢到你...

我依然睇唔到你嘅真面目。夢中喺我哋之間有一個第三者。你為咗除去呢個「障礙物」，你不惜徹底咁傷害佢 - 對一個男性做出最侮辱性嘅傷害。

醒來，我有一絲恐懼。

點解有啲人可以為咗自己嘅利益，就用盡一切方法去傷害另一個人？

更甚嘅係...

我點解會發啲咁嘅夢？係我「變態」？定係... 我潛意識入面嗰種獸性、傷害性可以令我不擇手段咁消除阻住我嘅人？

我究竟係一個點樣嘅人？

不夠勇敢

不夠勇敢

作詞：Toro/Victor Lau　作曲：Victor Lau　演唱：Vj
守在你身邊　看你每一個笑臉
笑得那麼甜　是他給了你誓言
不敢有埋怨　都是我心甘情願
或許有一天　我的愛你能看見
一天一點　你漸漸走遠　我卻像空氣被忽略
只怪我的愛不夠勇敢　一直沉默的做你的依賴　讓一切石沉大海
Baby now I need you by my side　過去的一切該怎麼放開
Without you I can't fall in love again
(I can't never fall in love)
Til the end of time　In a world so close to me
I'm just so in love　With a girl who's in my heart
Each and everyday　I wanna have you next to me
And I said to the world　I'll never let it end

明明知道　直到有一天　發現你不再有笑臉

http://www.youtube.com/watch?v=4hQZufqHitU&feature=related

忐忑

「嘉慧...」

有人好溫柔咁叫我個名。

「我已經等咗你四年...」

...但，你係邊個？我睇唔清楚。只記得你好大、好溫暖嘅左手，緊緊捉住我嘅左手；而又大又溫暖嘅右手，輕輕扶住我嘅腰。 你喺我身邊，陪我一齊走完一段路。

只可惜...

一切都係夢。醒來，我仍然唔知你係邊個？點解你等咗我四年我都唔知？ 我哋會一齊走完我哋嘅人生路嗎？

...一切都...

...只係一場夢...

情歌

聽住呢首歌，想起單無雙同盧卡斯嗰份愛... 我，想喊...

愛情是肉體，情歌是靈魂，
最初，靈魂寄生在肉體裡；
最後，靈魂找到了自己......　　　　　－－陳沒

詞：陳沒
曲：伍冠諺
編曲：陳建騏

時光是琥珀 淚一滴滴被反鎖
情書再不朽 也磨成沙漏
青春的上游 白雲飛走蒼狗與海鷗
閃過的念頭 潺潺的溜走

命運好幽默 讓愛的人都沉默
一整個宇宙 換一顆紅豆
回憶如困獸 寂寞太久而漸漸溫柔
放開了拳頭 反而更自由

慢動作 繾綣膠捲 重播默片 定格一瞬間
我們在 告別的演唱會 說好不再見

你寫給我 我的第一首歌
你和我 十指緊扣 默寫前奏
可是那然後呢

還好我有 我這一首情歌
輕輕的 輕輕哼著 哭著笑著
我的 天長地久

長鏡頭 越拉越遠 越來越遠 事隔好幾年
我們在 懷念的演唱會 禮貌的吻別

陪我唱歌 清唱你的情歌
捨不得 短短副歌 心還熱著
也該告一段落

還好我有 我下一首情歌
生命宛如 靜靜的 相擁的河
永遠 天長地久

http://www.youtube.com/watch?v=kmQvojsfvo4&feature=related