打風做啲乜？

打風做乜好？FYI，我老闆有可能打麻雀，有同事上次就同男友煮飯仔；而今晚我去7仔買嘢時就見到個男人買套套 - 可能佢同女友 / 老婆會做愛做嘅事，而我同上幾次一樣 - 整餅。

今次係「芒果千層班戟蛋糕」 - 依然無外表，但味道應該有進步。

終於...

就好似同一個人分手嘅感覺，我終於都入到我個「ex」blog，做一個交代。

一段「關係」嘅終結，唔多唔少都有啲傷感，畢竟佢記錄咗我過去幾唔多3年嘅喜怒哀樂；但我真係... 足足個幾禮拜入唔到個blog，我真係好唔開心(我可能已經addicted to我個blog)。

點都好，好聚好散。我已經喺個舊blog留底呢度嘅地址。要搵我嘅知道點可以搵到我~

P.S. 原來我喺我個舊blog post咗啱啱好700個message ...