我好天真、好傻

我以前個老闆會為下屬謀福利，令我以為所有老闆都係咁。我真係好天真、好傻。

今日我又俾人出賣。

我係「痺輸」，乜都要做晒已經預咗 - 一切都係因為我「遇人不淑」，但某人一句「短時間之內完成」就定我生死 - 痴線~ 我有萬二個project喺手呀，點做呀...

我好勝，我唔可以認輸。我一定可以做得到。我唔會喊俾任何人睇。你要逼走我？冇咁易。

我同老闆嘅戰爭正式開始！

Team Work

乜嘢係Team Work？一team人一齊做嘢。

我個team只有我一個人，所以理應我一個人做晒所有嘢。

我...

抵死...

冇得怨！

後知後覺

從前有人講過： 我哋唔係朋友。我以為佢講笑。我依家至知係真嘅。

職場如戰場，你永遠唔會有朋友 - 真假都係。

從前有人亦講過：冇咗你哋我唔會死。我知係真，但我都仲以為佢講緊笑，點知都係真嘅。

我從來唔認為一個人冇咗另一個人會死，但人哋咁同你講，都幾hurt吓：你估你係邊個？你乜都唔係！

一個人唔開心就會亂諗嘢。可能我嘅利用價值已經用完，係下台一鞠躬嘅時候。我應唔應該離開？好亂... 如果老豆喺度就好...

週日休閒活動

最近愛上睇台灣偶像劇，因為完全唔駛用腦。而且內容好白癡，睇咗覺得完來自己都好叻。

老三話：唔好成日睇呢啲低B嘢，否則會降grade。我話：又如何？我本身已冇乜le可以降，再降亦不外如是。所以...

唷~ 駛乜驚呀？