我的EQ水平

尋日先同老闆講完自己喺公司已經長大，EQ水平提高咗唔少，今日就要掌自己嘴巴。就因為一啲無聊人講啲唔尊重其他同事嘅嘢，我就已經可以down一日。

今日公司開「生日會」，食物唔係啲乜嘢好嘅嘢，就只係一啲點心。就有一啲口賤嘅人講咗一句：乜好似拜神咁，我就已經好嬲。首先唔在講我為同事準備嘅時間勞力 - 因為呢啲係我應該要做嘅；但卿姐幫我哋上酒樓攞返嚟公司呢？今個月生日嘅同事又點諗呀？三十歲人啦，講嘢用腦諗吓先講啦...

我對呢個女子好失望 - 佢只係升職上Officer個位就「一朝得志，語無倫次」；如果有一日咁不幸俾佢再升上更高位置會點呢？

咒語

喺我公司，開「早會」係一個咒語，可以令一向唔守時返工嘅人唔單只準時，仲會早咗返嚟。好似今日，一隻二隻「嘢」就死死氣喺10點前出現，準備一陣間嘅Staff Briefing。

人，係犯賤嘅。點解唔可以尊重吓個遊戲規則，係都要人落「咒」先聽話？？？

忍無可忍 - 我要搬喇~

真係忍無可忍~ 喺過去嘅幾日假期都上唔到Qooza個blog，有一大埋心/深情札記無從記錄，搞到個人好... frustrated。

我都知道Qooza一直俾競爭對手攻擊。喺道義上，我應該支持Qooza，因為佢都係一個受害者，俾competitors玩到殘；但我只係一個user，我上唔到自己個blog，亦有我嘅frustration。所以...

Qooza嘅敵人(們)，你哋成功咗喇~ 又有一個user離開Qooza喇~