家

自從2月老豆走咗，「家」呢個名詞對我嚟講，已經再冇意義。老媽活喺佢嘅世界，三佬有佢自己嘅家，而我，就係突兀嘅存在。

以前去夜街，就算幾夜先返到屋企，老豆會依然未瞓，問我做乜咁夜返，仲會叫我早啲瞓。依家，我諗我喺外面死咗都唔會有人知。1010G，只係一個冷冰冰嘅宿舍，而我嘅世界，已經進入冰河時期。

如果真係有月光寶盒，可唔可以將老豆還返俾我？又或者俾佢帶埋我同媽咪走？我唔捨得留底媽咪，但我一個人好辛苦呀...

一期一會

一個好浪漫嘅四字詞。一生就係為咗一次嘅相會，所以要珍而重之。

我嘅一期一會係幾時？無解。