Meeting! Meeting! Meeting!

今日不停開會。感覺，就好似俾人輪姦一樣 - 佢哋完全唔理我嘅感受，只顧自己嘅利益。完事後，我全身虛脫，好想死。

Shopping! Shopping! Shopping!

其實唔係買咗啲乜，只係覺得有些少「失控」。

以前搭車見到想買嘅嘢，我會同自己講：下次再買，琴日我就即刻跳落車走去買；

以前為咗某啲場合，我會翻轉個衣櫃搵一件合適嘅衫，琴日我二話不說就買件新嘅；

我諗 - 我有病。唔係在於shopping，而係在於我要做一啲嘢compensate自己不平衡嘅心理。

我真係有病...

行奇跡

我有時覺得自己真係好叻。每個月都可以用500個大洋，就攪到一個職員生日會，有嘢飲有嘢食俾20幾個人。遇啱有其他function，我仲可以去得盡啲。有同事覺得我好掂 - 只係同事。頭頂啲人只會覺得「老奉」嘅。

我好叻，叻在可以一個人做四個部門、五個或以上嘅人做嘅嘢。做到係應該嘅，做唔到，係我冇用。

其實係我唔啱，唔應該go extra mile，唔應該寵壞啲人，特別係你老闆。