Day 2

葬禮儀式

由海星堂神父主持。神父為老豆祝聖、灑聖水、祈禱... 將老豆帶到天國。我希望他日我可以喺嗰度同佢再喺一齊。

哥連臣角。以為我會為火化老豆遺體哭崩長城。冇。根本，肉身只係一個臭皮囊。當靈魂已經唔有喺度，又要嚟有乜用？我只係一心等待他日同屋企人喺另一個國度再會。

解憂飯

好文雅，一直我哋都叫佢做解穢酒。既不穢，又無酒招待，點解叫解穢酒？無解。

所有世俗嘅儀式都做完，但嗰份心痛依然揮之不去，眼淚依然流過不停 - 對眼仲係好腫、個樣依然好醜...