上墳記

今日係我爸離開我哋一週年紀念。我休假，去「探望」佢。

時候過得好快：咁又一年。自去年2月12日開始，我習慣要自己make decision。冇人再會俾中立嘅意見我 - 呢件係好事。唔好嘅，係我開始比以前自閉、情緒化，更胡思亂想... 呢一切一切，係好定唔好 - 只有天曉得！！！

每一次我去探老爸時，都會見都嗰個屬於一位年輕少婦嘅新墳。我曾經見過有一名年輕男子去探呢位女士 - 我好主觀咁諗：可能嗰個係佢丈夫，喺度哀悼愛妻離世。有一剎那，我好羨慕呢位女士 - 被愛真係好幸福。

我唔知我嘅將來係點，不過喺現在，我冇愛任何人，亦冇任何人愛我。痛苦？一啲都冇，只係感覺上越來越麻木。其實有冇人愛嘅分別喺邊？我唔知 - 呢個問題令我茫然若失...