那一年的幸福時光

再一次出現淚腺發達的癥況，只係睇一個trailer又大流眼淚...

老豆，仲記唔記得嗰一年你同阿媽影嘅一張相？嗰陣係中秋節前後，你剝開一個沙田柚，貪玩嘅你將柚皮放阿媽個頭上，俾我手快影底咗。我哋仲一齊笑張相笑咗好耐。

今日我睇劇，竟然見到同一個場景，一樣係一家人用柚皮做帽。溫馨場面應該係感人嘅，但我不停咁流眼淚...

老豆，你過得好嗎？我好掛住你呀...點解你唔會返嚟探我？你應承過唔會丟底我，點解你連返嚟睇我都唔肯？

我真係好掛住你...