手續

攞死亡證

到灣仔胡忠大廈登記攞死亡證。8點45分開始攞輪候號碼，辦事處9點開始辦公，申請費用每張$140。我要咗3張，一共$420。

搵殯儀館

同大哥、表嫂去香港殯儀館安排禮儀事項。一切都幾順利。再回到胡忠大廈預定火化爐。

訂火化爐

由於時間已經唔早(都只不過係10點半)，一切好時間已經俾人訂咗，只有晏啲。不過我哋仍然好滿意。一定係老豆暗中幫我哋~

領遺體

為咗更好保存老豆嘅遺體直至葬禮當日，到醫院領回老豆嘅遺體返殯儀館作防腐等工序。過程順利。老豆仲係好靚仔 - 佢喺我心目中永遠都係最靚仔嘅~

申請墓地

到教堂攞神父安排儀式事宜及申請天主教墳場墓地。一切OK。