我的EQ水平

尋日先同老闆講完自己喺公司已經長大，EQ水平提高咗唔少，今日就要掌自己嘴巴。就因為一啲無聊人講啲唔尊重其他同事嘅嘢，我就已經可以down一日。

今日公司開「生日會」，食物唔係啲乜嘢好嘅嘢，就只係一啲點心。就有一啲口賤嘅人講咗一句：乜好似拜神咁，我就已經好嬲。首先唔在講我為同事準備嘅時間勞力 - 因為呢啲係我應該要做嘅；但卿姐幫我哋上酒樓攞返嚟公司呢？今個月生日嘅同事又點諗呀？三十歲人啦，講嘢用腦諗吓先講啦...

我對呢個女子好失望 - 佢只係升職上Officer個位就「一朝得志，語無倫次」；如果有一日咁不幸俾佢再升上更高位置會點呢？