「愛到盡」觀後感

一部我唔知點形容嘅電影。首先，佢喺同志電影展出現，我以為佢會有關同志嘅嘢。係，主角係一個同志，但其實係講一隻同志鴨(如有冒犯之處，sorry!)嘅濫藥故事。入面穿插幾條感情線，有男男，亦有男女，但... 我get唔到條主線：到底係阿明同阿仁條感情線、定係同明暗戀阿強條線、又或係阿明同Cyrus嘅友情線、更甚係阿明同Jackie嘅出軌一夜情、阿明同佢阿媽 / 阿仁同佢阿爸嘅親情線？？？好亂...

睇咗幾年同志影展，參展電影入面都係靚仔靚女。呢套可能因為唔係主流電影(唔同外國有大製作同志電影)，所以冇一啲平日見開嗰種靚面孔喺電影中出現，但就可能係咁，令套戲來得更真實 - 畢竟，我哋身邊嘅人又有幾個真係「靚」到好似電影明星蹋吖？

呢樣係唯一可取嘅地方。其他？我只可以用「掛羊頭賣狗肉」嚟形容呢部戲，佢利用咗同志影展呢個平台，以同志講濫藥。