我嘅存在意義 & 價值

成日聽到有人喺我耳邊談及佢哋對第三者嘅appreciation，每次都令我好難受。其中一次，而且印象都幾深刻嘅一次，係聽一個我暗戀嘅男仔，談佢暗戀嘅女仔。嗰種感覺，好痛。人越大，聽到呢種說話嘅次數就越多，我嘅父母甚至從未對我做嘅一任何一件事有一聲讚許 - 你話吖，做我都真係幾悲！我不期然諗：其實，我係咪真係冇乜用？做嘅嘢，永遠都係吃力不討好，又或者其實我真係做唔好。

頭先老闆又同我講佢有幾咁appreciate隔離部門嘅努力同付出。唉~或者我真係做得唔好，又或者係唔夠好，所以冇人appreciate我所做嘅嘢。既然係咁，我係咪應該離開，俾有能之士繼續為大眾服務？

我真係好唔開心... 點解臨生日先發現原來自己冇乜存在價值？好灰...