今日我好寸

唔知係咪個人唔舒服，所以勁寸。

案件 1： 小朋友一號call我，話有人要我收件。唔係吖話？咁大陣丈？走出去一睇，原來係「使命必達」嘅courier。有啲火，開始寸人：「唔係嘛？courier都要我走出嚟收。平時都係你哋幫我收架啦...」「咁佢話最好你親自簽收呀嘛...」十級大火：「你冇嘢吖話？你第一日出嚟做嘢咩？佢梗係咁話啦，你又聽人講...」頭都唔回返自己office。

案件2： 話說原來件courier件係... 一條charger線俾小朋友二號。小朋友二號又play cute：「哈！原來係條差電線。」我啱啱啲火未熄，新火又起。「唔係吖話？一條電線寄UPS？妹仔大過主人婆...」小朋友二號見唔係好對路：「... 上次喺美國我借俾阿Joe(大老闆)，點知佢叫呀Chad寄返過嚟... 」我又乘機「教仔」：「Send番個messge俾人聽話你收到啦... 唔好咁冇禮貌呀...」點知個死仔包又play cute：「我唔知佢e-mail...」唉~一火未熄，一火又起：「你冇嘢吖話？今日第一日返工呀？打個名去address book搵咪得囉...」點知...「我唔知佢個姓，咁點算呀？」我無言。點算？By elimination囉~ 邊個department你知喇啩？！死蠢~